القذافى

يا جماعة الراجل ده مش مجنون، الراجل ده أكثر من كده عايش فى البدائية والهمجية، النهاردة أخد حباية الهلوثة، وخرج يقول إن الليبيين الشباب، واخدين حبوب هلوثة .... 
الراجل ده لما خد الحباية .... واشتغلت .... نسى يقعد ع القصرية .... فلبسها فى دماغة.
وطبعا أنتم عارفين لما يلبس القصرية .... يغيب عن الوعى والقصرية هى اللى تتكلم ....

آلهة العشق والجمال

آلهة العشق والجمال...

تعرف كيف تردى الرجال

تعرف ..... كيف تجعلهم

يعشقونها ... ويرضون غرورها

تعرف......

كيف يصبح الحب نارا، ويمسى رمادا

تعرف...

كيف تكيد الرجال

فيمسون أسارى

وفى قيود الأسر حيارى

تعرف.....

متى تصيب فى القلب حبته

فترديه قتيلا بوجده

ويا أسفاه....

على قلب شاعر هام فيها بعشقه

فلم يذق هناء وسعد بوجده

يمسى بصحبة النجوم

ويصبح بلوعة من الوجد مكتوم

يرسل إليها آهات الحب ملتهبة

فتجيبه

بسهام من الأسى مشتعلة

وأين له من حنان يغمده؟

أو عطف يلعقه؟

بل تجرع.. العذاب والضنا.

البؤس دون الهنا

فليته لم يفتح للهوى يده

ليته حين رأى الحب قادما

جفاه...... أبعده

                                             عادل عزب

يا حكام العرب

يا حكام العرب والمسلمين

انقذوا ليبيا وشعبها الأمين

الواد ده فعلا أسوء المجانين

عامل نفسه محارب ع الطيبين

أهو هبلة ومسكوها ليبيا

طب لما يفنى الشعب هيحكم مين

والله. لله فى خلقه شئون

هيجى اليوم اللى فيه يقول

ياريت قعدت ع القصرية

وما كبرت ولا شفت الطول

هيشرب الذل ويبكى من كل العيون

ويشرب فى ولاده اللى سقاه لليبيين

وحسبنا الله ... نعم المولى ونعم النصير

                                                 عادل عزب

إلى سيف الإسلام القذافى

لم أكن أتوقع بأنك بهذا الغباء
تهدد الشعب بالحرب..... ؟!
هل تتوقع أن يفترق الليبيون؟؟! 
والله والله الذى لا إله إلا هو .... قد ذهب الملوك والرؤساء وبقيت الشعوب.
سوف تذهب، ومعك أبوك، وكل الخائنين
وتحية إجلال لليبيين الأخوة الكرماء
أبناء عمر المختار

والله يا ولاد شرفتونا

والله يا ولاد شرفتونا

ورفعتوا راسنا وفرحتونا

ومحيتوا الظلام ونورتنونا

وبينتوا اللى منا واللى خانونا

واللى ضحكوا علينا وسرقونا

واللى فرقوا بينا وبين أهالينا

وكفياكم يا منتفعين نفاق

وتسقيف وتهليل وسباق

على كرسى توصلوا بالرياء

وعش نضيف بس مش رئيس الورزاء

وألف سلام مربع للشرفاء

عاشوا بالمبادئ وعلوها السماء

ويا عين لا تبكى ع الشهداء

دول عند ربهم ف النعيم أحياء

وسلام معطر بدم ابنى يا ولاد

ما هو شهيد من ضمن الشهداء

واللة يا ولاد شرفتونا

ورفعتوا راسنا وفرحتونا

عادل عزب

18/2/ 2011

أمنية صديق

أرسل لى أحد أصدقائى هذه الأمنية
-------------------------------

نفسي أنسى وأنسى
علشان انسى طابور العيش
واخش فى الغيبوبه وانسى مشكلة الانبوبه
وأنسى بلدنا المنهوبه
وانسى اللى بيجهزوه علشان يبقى رئيس للمخروبه
وأبقى مسطول
وأنسى أي مسئول
من اللى سابوا الناس فى السيول
وانسى ان نظيف اتجوز وبقى بيعول
وانسى مجلس الشعب وفتحى سرور
وانسى البرادعى وايمن نور
وانسى شوبير ومرتضى منصور
وانسى تعديل الدستور
وانسى اللى ساكنين فى القبور
وانسى انفلونزا الطيور
وانسى مشاريعنا الفاشله
فى توشكى وابو طرطور
واخش فى الاستهبال
وانسى علاء وجمال
وانسى التوريث
والنيل اللى نازلين فيه تلويث
وانسى ان منتخبنا كويس زى ما قال الرئيس
وانسى  تصدير الغاز
واحناعندنا ازمة بوتاجاز
وانسى قطر العياط
وانسى قطر الصعيد
وانسى احمد عز واحتكار الحديد
وانسى زحمة المواصلات
وانسى الانتخابات
 وانسى فتاوى الفضائيات
وانسى العشوائيات
وانسى فشل التعليم
وانسى هشام طلعت وسوزان تميم
وانسى الاهرام وانسى الاخبار
وانسى ثروة الريس ال70  مليار
اللى مش بالجنيه المعفن لا بالدولار
وانسى انه خلى بلدنا افقر من زنزبار
وانسى المعارضه وانسى الاحزاب
وانسى تامر حسنى وعمر دياب
وانسى مشكلة النقاب
وانسى ارضاع الكبير وشرب بول البعير
وانسى انفلونزا الخنازير
وانسى اوربا وامريكا وانسى الصين
المتقدمين عننا بسنين
وانسى البيت بيتك وتامر امين
وانسى ان كيلو اللحمه بقى بتمانين
وانسى اننا فى الزباله غرقانين
وانسى الدستور و الماده سته وسبعين

ادخلوا مساكنكم

إلى كل من باع نفسه للنظام السابق ..... ومن باع قيمه ومبادئه ....... من باع الوطن مقابل السلطة والمال .....
نرجوك كن هادئا وقدم استقالتك ..... فرغم ما حاولت أو تحاول أن تفعل لن يغفر لك أى مصرى ....... أمثالك جعلونا نفقد الثقة فيما نقرأه أو نشاهده على شاشة القنوات المصرية.
سيدى / سيدتى 
بكل الاحترام وكل الأدب اعتزلنا ..... لأنك سوف تفعل ذلك مع من يأتى ..... مشكلة هى تلك السمة التى تغلب عليك، سمة جنى المال والسلطة فى مقابل الأخلاق والمبادىء .... مشكلة كبيرة أن يراك ابنك وذويك لا تعرف المبادىء أو القيم التى يجب أن تسقيها لهم...
جعلتمونا نصدق أن أمثالنا من الشرفاء لا يصدقهم أحد، وأن الصادق كاذب ... ولا حيلة لنا بالعيش إلا الكذب والنفاق ... عفا الله عنكم.
وأخيرا 
فاقد الشىء لا يعطيه.....  فادخلوا مساكنكم
عادل عزب

نقابة المعلمين

نقابة المعلمين، أو نقابة المهملين
نقابة ليست لها أى هدف فى الشئون التعليمية أو حتى فى التعبير عن معلمى مصر الشرفاء... لا أذكر فى يوم من الأيام أنها حاولت أن تعمل شيئا لصالح المعلمين .. وكأنها هيئة مسيسة لصالح النظام فقط ....
والآن ماذا ستقدم لنا هذه النقابة ..... لم نسمع لها صوتا فى أحداث يناير الماضى.... لا شجب ولا تأييد  ... أنا كمعلم فى هذه النقابة أقول بكل تأكيد أنا أسحب ثقتى فى هذه النقابة .....
عادل عزب